- 46 -

1290, November 29. o. O.

Herzog Bolko von Schlesien verkauft den zwischen Giersdorf und Wartha gelegenen Wald an Grabis de Banow.

In Christi nomine amen. Quoniam labilis est memoria hominis, cum de vili et corruptibili materia sit formatus eum nichil cercius morte, nichil incercius hora mortis, ideo inventum est sacre scripture remedium, ut ea, que in presenti hominum dispositione exstiterint, ordinata possint in posterum ad perpetuam rei memoriam liquido comprobari; hinc est, quod nos Bol(eslaus) dei gracia dux Slesie attestatione presencium omnibus cupimus esse notum, quod Grabis de Banow silvam cum fundo et aliis appendiciis, sitam inter Gerardestorph et Wardam iuxta fluvium, qui Niza dicitur, cum tota utilitate, que exinde poterit provenire, vendidimus ac venditam tradidimus pro quadraginta marcis usualium monete ac ponderis cum omnibus iuribus nobis ibidem competentibus liberam ab ipso et suis heredibus legitimis perpetuo possidendam, ita ut predictus Grabis ac sui heredes de predicta silva et suis meliorationibus ad exactiones solvendas et servicia minime teneantur. Damus nichilominus ipsis liberam potestatem edificandi seu construendi tabernam et alia quecunque pro utilitate sua sibi viderint expedire, renunciantes omni iuris beneficio per quod possit ipsi ac suis heredibus predicte venditionis libertas infringi vel etiam infirmari. In cuius rei testimonium presentem paginam ipsis concessimus sigilli nostri munimine roboratam. Datum per manum magistri Henrici notarii, anno domini millesimo ducentesimo nonagesimo tercio Kalendas Decembris, presentibus nostris militibus dominis: Reynero de Saceo, Frederico de Biscophesheym, Conrado advocato de Richenbach, Hermanno advocato de Vrankensten, Henrico de Lubavia, Sifrido notario et aliis pluribus fide dignis.

Or. Perg. An Fäden von rothgelber Flockseide hängt das am Rande beschädigte Siegel des Herzogs. Pfotenhauer, Siegel S. 6 (A. III. 18.). Regesten No. 2171 a.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.